O. Rent Kuruma

每年一到一月份，沖繩就會開始有好多關於「惠方卷」嘅廣告出現，究竟惠方卷係乜呢？ 古時日本嘅曆法同中國一樣，係用華夏曆法（即係農曆），去到明治維新時期，先正式取消華夏曆法改用依家國際通嘅曆法 - 格里曆（即係新曆）。但部份傳統農曆節日都會保留，例如：元旦、人日、七夕、端午、重陽等，日文會稱依啲為「節句」。 日本除咗有以上節句之外，仲連農曆嘅立春、立夏、立秋等等嘅 24 節氣都一樣有。其中一個重要日子，就係立春之前一日，日本稱為「節分」。 因為節分象徵住一年之始，古時亦認為季節交替，易生邪氣，所以必須喺果一日進行驅邪儀式，例如 : 撒豆驅鬼、將沙甸魚個頭插上柊葉然後掛喺門口等等，其中最有趣就係食惠方卷。 所謂嘅惠方卷，係指用七種唔同嘅食材捲成嘅粗卷壽司，象徵住「七福神」   ，每年喺節分當日，就係向住掌握福德嘅歲德神所在方向（稱為惠方），心中一邊祈求一邊一口氣食晒成條惠方卷，就可以保佑未來一年大吉大利、無病消災等。 但食惠方卷都有幾個要點要留意 1. 七種食材雖然冇硬性規定係邊七種，但一般都係有蛋有魚有菜等，亦唔可以將自己唔食嘅拎出黎。 2. 食嘅時候必須用手拎起嚟食，同埋可以咬斷，但唔可以用刀切開，如果唔係會將緣份、福氣都切斷。 3. 食緊時唔可以講野，要一口氣食晒，否則運氣會跑走。 4. 食嘅時候要面望惠方，喺食完成條之前都唔可以轉望其他方向。 而 2024 年嘅節分係 2 月 3 號，惠方位係東北東方向，當日喺沖繩嘅朋友，不妨去買條惠方卷，試試用以上方法祈福，可能可以帶來好運。 PS. 去沖繩的話，記得搵我地租車 #日本旅遊 #沖繩 #自駕遊 #香港人 #okinawa #o_rentkuruma FB:  老hike都移民

眾所周知，日本坐的士係勁貴，所以好多人喺miss咗尾班車情況下，寧願訓酒店、訓網吧、訓車站、甚至訓街都唔會坐的士。究竟有幾貴呢？繼上次分享完 沖繩公共交通工具 之後，今次分享關於沖繩的士嘅事。 收費 成日話日本的士收費貴，究竟有幾貴呢？ 其實日本唔同地區，的士收費都唔同，就沖繩而言，本島同離島的士收費已經唔一樣。 本島的士 由2023年10月25日起，沖繩本島的士起錶價為首1.75km或其任何部份¥600，之後每400米跳一次，每次¥100。 離島的士(石桓島、宮古島等) 由2023年8月14日起，沖繩離島的士起錶價為首1.136km或其任何部份¥500，之後每465米跳一次，每次¥100。 講到依度，可能都未知有幾貴，以下會用香港市區的士做個例子 如果喺香港，由荃灣新都會廣場出發，到尖沙咀碼頭，香港市區的士「按錶」收費嘅話，費用大約係$100.5。 如果用沖繩的士收費行同一條路，收費大約係¥2,900，以5.5算嘅話，都接近港幣$160，足足貴咗6成。另外沖繩的士喺22:00 – 05:00 深宵時段內，仲會加多20%嘅深宵附加費(2割増)。所以沖繩的士真係好貴。 雖然的士收費咁貴，但都依然獲得好評，因為服務質素真係好高。先唔講唔會濫收車資先。穿著整齊制服，車廂內一塵不染，亦唔會因為距離短而拒載等，已經獲得各國旅客好評。 不過沖繩的士司機年齡普遍比較大，亦都唔識講英文，所以溝通上係有一定難度。幸好依家可以用DIDI / Uber等app叫車，將目的地預先輸入app，咁就可以解決埋溝通上問題。 另外要分享返一啲關於日本的士嘅特色 車門為自動門 日本的士雖然普遍的士都係用香港一樣用toyota comfort(已停產)，但日本的士係嘅comfort係配備咗自動門，不論上車落車都唔需要自己去開門，所以千奇唔好去伸手拉個門抦。 顯示車輛狀況 香港的士司機會用「往接客」「暫停載客」等紙牌嚟表達現時情況。而日本的士係用車頭有個顯示器嚟表達。 空車：可以上客。 割増：可以上客，但會收深宵附加費 支払：請等等，客人俾緊錢。 賃走：已有乘客。 迎車：往接客。 回送：返車廠中，唔接客。 GPS帶路 為咗防止兜路或同客人爭執要走邊條路嘅問題，所以上車後，司機會將目的地輸入落GPS，由GPS帶路。不過頭先都講過，沖繩司機大多都唔識睇英文，就算用羅馬字拼音嘅地址都唔識。所以最好預先準備好目...

嚟到沖繩旅行，大多數人都會選擇自駕遊。自駕遊除咗要留意 租車需知 、 馬路的事 外，仲要留意停車場。 沖繩普遍分收費 ( 有料 ) 、免費 ( 無料 ) 停車場 免費停車場 喺沖繩，大部份嘅餐廳、店鋪、超市、便利店、觀光點都有免費嘅停車場提供。但留意有部份免費停車場係要光顧先可以使用，更加唔可以過夜，只可以短暫停泊。否則可能會被鎖車兼罰款。另外有部份免費停車場係屬私人用途，如果唔肯定嘅話，請勿停泊。 收費停車場 當喺冇免費嘅情況之下，除非想收到牛肉乾，否則都要停入收費停車費。 沖繩收費停車場大致有 : 柵欄式停車場 大部份停車場都係柵欄式，出入口會有柵欄擋住，入口需要撳制開閘同拎停車票。離開時要喺出口將停車票插返入閘口收費機，之後俾錢就會開閘。不過留意返，有部份停車場個收費機唔係喺閘口，可能要俾咗錢先再找收據去掃 bar code / QR code 先可以離開。 升降板式停車場 常見喺市區內嘅露天停車場，當車駛入去車位泊好後，下面個檔板會自動喺車底升起，阻擋住車駛走。而車位前面有一個號碼，離開前要先去精算機度入返自己個車位號碼，俾錢後個檔板就會收返起，之後正常開車就得。但留意返，如果泊得唔好，個檔板感應唔到嘅話，檔板係唔會自動升起，喺依個情況下如果俾人發現嘅話，係會被罰款，所以停泊後最好望清楚檔板有冇升起先離開。 智慧車柱停車場 喺沖繩比較少見智慧車柱停車場，佢個特色係喺停車位前後會有 cam 用黎監控．當有車泊入去車位時，個 cam 就會記低車牌資料、停泊時間等，離開時輸入停車位置號碼就得，同樣，如果走數係會有罰款同屬刑事行為，請勿試法。 機械式停車場 類似升降機系統，利用動力機械將車送到指定嘅泊車點，喺有限空間之下放置最多車。但機械嘅野，總會出意外。當有意外時，會將泊喺果度嘅全部車塞死晒，同埋如果漏咗野想開車門攞都相當麻煩，所以泊車前記住 check 清楚隨身物品。 除咗要留意停車場類型外，更加要留意收費 以上圖做例子 收費方式是 : 星期一至五 : 08:00~00:00 每 30 分鐘 ¥ 200 00:00~08:00 每 60 分鐘 ¥100 其中18:00 - 00:00 依段時間，上限¥1,000 Eg. 由12:00開始，泊到去22:00的話，收費會係: 12:00~18:00 = ¥2,400 18:...

日本，係香港人嘅鄉下，唔少香港人去旅行首選嘅地方之一。而沖繩，更加係日本內嘅旅遊熱點之一，咁貴為旅遊區中嘅旅遊區，大致使費要幾錢先為合理，幾錢係貴，今日就分享吓。 一般沖繩有幾個 peak season 係特別貴， eg. 6 – 8 月 除咗以上日子外，沖繩旅行唔算貴，以下會用一家三口做例子 機票費用 : 由香港直航到沖繩通常得兩間航空公司選擇 – Hk airline & Hk Express Hk airline 港航，飛沖繩有每日有兩班 – HX682 & HX658 HX682 07:25 > 11:00 HX682 屬於早機，起飛時間係 07:25 預定到達沖繩時間係 11:00 。 05:00 就要到達機場，但好處係飛到沖繩先 11:00 ，拎埋行李、過埋關，拎埋車，去埋酒店 check in 都仲有大半日時間玩，但如果有小朋友就相當辛苦，屋企附近冇 NA 車要 call 車嘅話又要另外一筆使費，所以有好有唔好。 HX658 11:30 > 15:00 HX658 屬於中午機，起飛時間係 11:30 預定到達沖繩時間係 15:00 只需 09:00 到達機場，起身時間同交通情況都比較舒服，但到沖繩時間都已經 15:00 ，拎埋行李、過埋關、拎埋車，亦都已經入夜，去到酒店基本上就已經一日，所以就自己取捨。 順帶一提，雖然港航並非廉航，航班上都設有獨立電視、飛機餐、飲品。但疫情後嘅 HX682 & HX658 上嘅電視機只係裝潢品，飛機餐亦只有一個包，飲品方面尚有啤酒、 house wine 、一般 soft drink 等可供選擇。 PS. 如果落機後就要租車嘅話，請勿飲用酒精類飲品。 HKexpress 香港快運，屬於廉航，一般飛沖繩每日只有一班 – UO820 同另一班不定時嘅 UO824 UO820 07:35 > 11:05 UO820 同 HX682 一樣屬於早機，起飛時間係 07:35 預定到達沖繩時間係 11:05 。 同樣要 05:00 就要到達機場，基本上同 HX682 時間上冇乜分別，唯獨登機閘口可能會遍遠少少，所以要預留時間去閘口。 UO824 15:50 > 19:20 UO824 就係中午機，起飛時間係 15:50 預定到達...