沖繩生活分享 – 惠方卷

每年一到一月份，沖繩就會開始有好多關於「惠方卷」嘅廣告出現，究竟惠方卷係乜呢？

古時日本嘅曆法同中國一樣，係用華夏曆法（即係農曆），去到明治維新時期，先正式取消華夏曆法改用依家國際通嘅曆法 - 格里曆（即係新曆）。但部份傳統農曆節日都會保留，例如：元旦、人日、七夕、端午、重陽等，日文會稱依啲為「節句」。
日本除咗有以上節句之外，仲連農曆嘅立春、立夏、立秋等等嘅24節氣都一樣有。其中一個重要日子，就係立春之前一日，日本稱為「節分」。

因為節分象徵住一年之始，古時亦認為季節交替，易生邪氣，所以必須喺果一日進行驅邪儀式，例如:撒豆驅鬼、將沙甸魚個頭插上柊葉然後掛喺門口等等，其中最有趣就係食惠方卷。

所謂嘅惠方卷，係指用七種唔同嘅食材捲成嘅粗卷壽司，象徵住「七福神」 ，每年喺節分當日，就係向住掌握福德嘅歲德神所在方向（稱為惠方），心中一邊祈求一邊一口氣食晒成條惠方卷，就可以保佑未來一年大吉大利、無病消災等。

但食惠方卷都有幾個要點要留意

1. 七種食材雖然冇硬性規定係邊七種，但一般都係有蛋有魚有菜等，亦唔可以將自己唔食嘅拎出黎。

2. 食嘅時候必須用手拎起嚟食，同埋可以咬斷，但唔可以用刀切開，如果唔係會將緣份、福氣都切斷。

3. 食緊時唔可以講野，要一口氣食晒，否則運氣會跑走。

4. 食嘅時候要面望惠方，喺食完成條之前都唔可以轉望其他方向。

而2024年嘅節分係2月3號，惠方位係東北東方向，當日喺沖繩嘅朋友，不妨去買條惠方卷，試試用以上方法祈福，可能可以帶來好運。

PS. 去沖繩的話，記得搵我地租車

#日本旅遊
#沖繩
#自駕遊
#香港人
#okinawa
#o_rentkuruma
FB: 老hike都移民