沖繩旅遊 - 沖繩的士

眾所周知，日本坐的士係勁貴，所以好多人喺miss咗尾班車情況下，寧願訓酒店、訓網吧、訓車站、甚至訓街都唔會坐的士。究竟有幾貴呢？繼上次分享完沖繩公共交通工具之後，今次分享關於沖繩的士嘅事。

• 收費

成日話日本的士收費貴，究竟有幾貴呢？
其實日本唔同地區，的士收費都唔同，就沖繩而言，本島同離島的士收費已經唔一樣。

本島的士
由2023年10月25日起，沖繩本島的士起錶價為首1.75km或其任何部份¥600，之後每400米跳一次，每次¥100。

離島的士(石桓島、宮古島等)
由2023年8月14日起，沖繩離島的士起錶價為首1.136km或其任何部份¥500，之後每465米跳一次，每次¥100。

講到依度，可能都未知有幾貴，以下會用香港市區的士做個例子
如果喺香港，由荃灣新都會廣場出發，到尖沙咀碼頭，香港市區的士「按錶」收費嘅話，費用大約係$100.5。
如果用沖繩的士收費行同一條路，收費大約係¥2,900，以5.5算嘅話，都接近港幣$160，足足貴咗6成。另外沖繩的士喺22:00 – 05:00 深宵時段內，仲會加多20%嘅深宵附加費(2割増)。所以沖繩的士真係好貴。

雖然的士收費咁貴，但都依然獲得好評，因為服務質素真係好高。先唔講唔會濫收車資先。穿著整齊制服，車廂內一塵不染，亦唔會因為距離短而拒載等，已經獲得各國旅客好評。
不過沖繩的士司機年齡普遍比較大，亦都唔識講英文，所以溝通上係有一定難度。幸好依家可以用DIDI / Uber等app叫車，將目的地預先輸入app，咁就可以解決埋溝通上問題。

另外要分享返一啲關於日本的士嘅特色

• 車門為自動門

日本的士雖然普遍的士都係用香港一樣用toyota comfort(已停產)，但日本的士係嘅comfort係配備咗自動門，不論上車落車都唔需要自己去開門，所以千奇唔好去伸手拉個門抦。

• 顯示車輛狀況
  

香港的士司機會用「往接客」「暫停載客」等紙牌嚟表達現時情況。而日本的士係用車頭有個顯示器嚟表達。

空車：可以上客。
割増：可以上客，但會收深宵附加費
支払：請等等，客人俾緊錢。
賃走：已有乘客。
迎車：往接客。
回送：返車廠中，唔接客。

• GPS帶路

為咗防止兜路或同客人爭執要走邊條路嘅問題，所以上車後，司機會將目的地輸入落GPS，由GPS帶路。不過頭先都講過，沖繩司機大多都唔識睇英文，就算用羅馬字拼音嘅地址都唔識。所以最好預先準備好目的地地址嘅日文版，或者提供Map code。免得一輪雞同鴨講。

• 付款方式

沖繩的士唔單止收現金，仲有部份收信用卡，不過要上車前要問一問司機可唔可以收卡。

再次提醒，付款後唔好自己去開車門，司機會幫你去開。
其實沖繩的士除咗做單程運送外，仲可有提供觀光、導遊、包車等服務，不過價錢都相當唔平，仲要只提供日文服務。所以如果喺沖繩有咩交通上或旅遊上問題，歡迎聯絡O.Rent查詢。

PS. 去沖繩的話，記得搵我哋租車 

#沖繩旅遊
#沖繩
#自駕遊
#香港人
#Okinawa
#o_rentkuruma

FB: 老hike都移民