O. Rent Kuruma

作為旅遊熱點嘅沖繩，自駕遊係必然選擇，但如果想旅程中感受一下當地風土人情，搭公共交通工具不失一個好方法。所以今次分享吓關於沖繩公共交通工具嘅玩法。 沖繩公共交通主要係由單軌鐵路配合公共巴士組成 單軌鐵路 沖繩鐵路名為ゆいレール ( yui-rail )，係一條連接那霸機場經那霸市中心到浦添市嘅架空電車，全長17公里。由2003年8月開始通車，服務時間一般係06:00~00:00，大概每5~15分鐘就有一班車，每班車有兩架列車，設有座位同企位。 車票主要分4款 QR 單程票 喺自動售票機可以買到，而售價機更有多國語言如: 英文、中文等選擇，所以使用唔困難，而車資可參考售票機上面個路線圖，對應返目的地購票就得，留意返未滿12歲嘅小童半價，未滿6歲嘅小童由成人陪同下，可以免費(上限兩個)。 之後將車票上QR code部份對準閘口嘅scanner入閘，出閘同樣咁做，出閘後有個紅色嘅棄置箱，可以將用完嘅票放落去，或留為紀念都得。 QR 全日票 分為一日同兩日票兩款，一日票售票為¥800，兩日票就¥1,400 (小童半價)。同樣可以喺自動售票機買到，喺買後24/48小時後可以無限次使用。使用方法同單程票一樣。因為單軌鐵路單程都唔平，所以如果決定玩那霸市嘅話，買全日票不失為一個好選擇。 IC card 現時可用嘅ic card有okica同suica等。okica同樣可以喺售票機買到，買時會問要儲值幾多(其中¥500為按金)。使用方法同八達通一樣，退卡時同樣可以連按金退，如果10年內唔用就將會失效。 Bus-monorail pass 日文為 バスモノパス，係一個由那霸市區內線嘅那霸巴士同單軌鐵路聯營嘅pass。買咗之後就可以一天內無限次使用單軌鐵路同那霸市區內線嘅那霸巴士。售價為¥1,000，小童半價。但買到嘅地方就無咁方便，要喺リウボウ旅行サロン店先買到。 買完之後會獲得一張好似bingo card嘅野，之後對應返你想用嘅月份同日子擦，入閘時俾職員望就得。 其他仲有如:定期車票、團體車票、特殊車票等。因為依啲主要唔係for遊客，所以依度唔一一介紹了。 單軌鐵路站內全部都設有洗手間同lift，所以唔擔心行李上落唔方便。而閘內同香港輕鐵差唔多，同樣全面禁煙，亦嚴禁插隊。當列車到站時，請先讓乘客下車後依序上車。 車廂內同樣有關愛座，亦都同樣係批鬥座。不過有幾點同香港唔同嘅: 車內唔...

賞花，日文為花見 はなみ，係一個日本嘅傳統習俗，以前日本一講起花見，會令人諗起賞梅花，因為日本二至三月會賞梅花，三至四月賞櫻花，四至五月就賞桃花。不過經過多年後，依家指嘅花見，大多指賞櫻花。 點解會選擇櫻花呢，因為櫻花嘅開花時期正正係過咗嚴冬之後，象徵住春天將至，萬象更新。另一方面因為櫻花花期好短，得兩個星期，美麗卻一𣊬即逝更加令人覺得浪漫。同時間日本人認為櫻花係聖潔，所以櫻花一直都係日本嘅文化標誌之一。 至於點解會有賞花依個玩兒，因為古時日本人係相信樹里有神明，所以會藉住賞花嘅時間，喺樹下擺放清酒、食物等貢品，祈求未來一年會豐收 直到依家，賞櫻活動雖然已經唔係當初咁嘅意思，但日本人同旅客都會襯住賞櫻季節，喺櫻花樹下，鋪上藍色嘅野餐墊，帶埋花見糰子、花見便當、和果子等，再配上清酒同家人親友享受野餐。但因為喺日本大城市入面生活都非常急促，好難喺平日有時間一大班人聚會，更加難同人霸位，所以就產生咗「夜櫻」依個活動。 夜櫻，固名思義，夜間賞櫻咁解，因為櫻花生命週期短，同時開花期又正正係開工開學嘅期間，所以有部份人就會選擇夜晚先去賞櫻，夜櫻時，大家會將紙燈籠懸掛增添氣氛，依家更加部份公園設有燈光效果，將櫻花嘅粉紅顯得更靚。如果係一啲著名嘅櫻花景點，更加會舉辦「櫻花祭」，擺放唔同嘅攤位如常見嘅: 撈金魚、射公仔，更加有熟食檔如: 章魚小丸子、炒麵、串燒等。 而櫻花開花日子一般會由最南方向北移，所以貴為日本最南嘅沖繩，會最先開始賞櫻活動。而2024年賞櫻活動，將由1月日本最南嘅沖繩開始，去到大概5月嘅北海道結束。作為全日本最先賞櫻嘅地方，今次就會分享下，沖繩有咩賞櫻好地方 北部： 一般賞櫻嘅公園都會喺沖繩嘅北部，如果非自駕過去會比較辛苦，如果有需要，可以聯絡O.Rent安排。 八重岳 – 櫻之森公園 位於北部嘅櫻之林公園，而櫻花嚟命名嘅公園，係喺沖繩一個非常馳名嘅賞櫻地點之一，亦係會舉辦夜櫻活動之一，唔單止夜晚會有賞櫻活動，更加會喺夜晚舉行櫻花祭，櫻花祭內設有攤位遊戲同小吃檔攤，實行「沖繩」夜繽紛。 八重岳櫻花祭將於2024/01/20 ~ 2024/02/04 的18:00 ~ 22:00在本部町的櫻之林公園舉行。 今歸仁 – 今歸仁城跡 位於北部嘅一個城跡，本來係一個對抗薩摩藩侵略嘅一個要塞，但後來因為櫻花而馳名。城跡內可以一邊欣賞城跡，一邊賞櫻，更加係難得可以喺城跡內舉...

上次分享咗 租車需知 ，終於要上馬路。雖然日本同香港一樣係右軚車，不過都有部份不同嘅交通規則，今次就繼續分享馬路的事。  沖繩同其他日本地區有少少唔同，一黎自駕遊特別多，二黎仲有美軍晌馬路出現的，因為普遍租車同埋美軍嘅駕駛態度都係麻麻，所以見到時要盡量小心，點區分? 租車的車牌係用 わ / れ 字頭的，而美軍係用よ / 英文字做開頭。  除咗留意車牌之外，日本馬路上亦有唔同嘅車身標誌要留意：  新手  新手標誌類似香港P牌，獲得車牌後頭一年都必須貼上新手標誌，俾其他道路使用者去分辨，當有貼上新手標誌時，其他道路使用者如果對新手做出: 唔喺安全距離超車、推尾等行為，係會被罰款同扣分。不過日本人對依個標誌好有愛，經常見到張標誌已經甩晒色，甚至個司機明顯唔係新手都會貼喺車上，更加會用新手標誌做出唔同形狀既花紋，所以新手標誌喺日本係冇乜區分作用。  高齢者 高齢者分兩代，上邊右圖係第一代，2011年前使用，不過因為形狀被認為似枯葉，所以之後改為依家嘅四色樣。依個標誌係專門俾70歲以上嘅司機使用，同新手標誌一樣，其他道路使用者如果對高齢者做出: 唔喺安全距離超車、推尾等行為，係會被罰款同扣分。同時間日本都擔心高齢者會影響其他道路使用者，所以到75歲後及過去有肇事記錄嘅高齢者，喺update車牌時會安排一次考試，如果肥佬就會吊銷駕照。另外，因為有人認為高齢者標誌帶有年齡歧視成份，所以日本只可以「建議」70歲以上司機使用，去到75歲先會強制使用。 聽障 喺2008年前，日本係唔容許戴上助聽器聽唔到10呎內90分貝警號嘅聽障人士考車牌的，修例後就只要通過考試及貼上聽障標示都一樣可以做司機。同其他標誌一樣，當車上貼出依個標示時，如果對佢做出如:唔喺安全距離超車、推尾等行為，係會被罰款同扣分。 身障 身障是指身體上部份障礙，不過依個唔係強制要貼上的，所以就算唔貼都唔會有咩問題，但當見到有貼上嘅話，請對佢哋多多包容。 同樣當車上貼出依個標誌時，如果對佢做出如:唔喺安全距離超車、推尾等行為，係會被罰款同扣分。 外國人 因為近年日本自駕遊越來越多嘅同時交通意外都激增嘅關係，有部份租車公司開始自行派發「外國人駕駛中」既貼紙。通知其他道路使用者對外國人要包容及禮讓。  日本馬路上除咗有各式各樣嘅標誌要留意之外，仲有以下幾項亦要注意: 行人...

沖繩除非淨玩那霸單軌鐵路沿線，或者相當有錢，可以的士出入(沖繩坐的士嘅價錢同香港有過之而無不及)，或者時間相當多，唔介意等成個鐘一班既巴士，否則都係自駕遊多。所以分享一下自駕遊需知及留意既地方。  國際牌 持香港車牌嘅，如果想喺日本自駕，首先要去運輸署申請國際牌，但因為近年有人炒國際牌既排隊紙嘅關係，所以要網上預約隨時要排到2046，務必要盡早申請 (有效期一年的)，如果時間上唔容許，就可能要一早去到運輸署排walk-in了。 PS. 唔支持幫襯代排助長歪風  租車 當取得國際牌之後就可以搵租車公司預約，不過因為沖繩唔單止係外國人鍾意去嘅地方，就連日本本島人都經常去，所以沖繩租車服務長期都好緊張，還好近年都有唔少香港家庭過咗沖繩開辦租車業務，起碼唔會產生語言上溝通問題先，一般預約後都需付訂金hold車，大家可以因應人數 / 實際用途 / 服務等去選擇租車公司。 (當然搵O.Rent Kuruma係最好啦) 攞車 終於到達沖繩了，因為喺機場一帶係唔可以交車，所以一般租車公司都會喺機場有shuttle bus or 私人接送服務，然後送到去公司嘅車場攞車。記住要帶齊：香港駕駛執照、國際牌、passport、現金。之後會有幾項你去選擇: ETC ETC即係類似香港既autotoll，因為沖繩由南至北嘅主要交通係由兩條公路組成 — 58公路 (免費) & 沖繩高速公路 (收費) 。 如果要行上高速公路的話，就會遇到收費亭，依個時候就係ETC發揮既時候了，免去排隊俾現金找續嘅麻煩。另外講一講58公路跟高速公路分別。一般而言，58公路都係限速60km/h 但高速就係限100km/h 同時設有超車專用線，所以塞車方面冇咁嚴重，但實際時間上又唔係慳好多，就駕駛感上良好得多，所以租唔租用都問題不大。 保險  同香港一樣，必須有第三者責任保障先可以出街，亦都一樣可以購買全險去保障司機、乘客及車輛，更加可以加錢去免去自負額。另外仲有一樣，如果租車時發生意外，租客係需要負責車輛維修時嘅租金(簡稱NOC)，所以依方面嘅保險都要留意返。 兒童座墊  因為日本法律規定咗未滿6歲兒童，必須乘坐兒童座墊，所以事前通知租車公司準備好。  亦為咗避免最後有乜爭執，租客亦都要檢查好:  租車合約  因為最後有乜事都係跟租車時份合約...