自駕遊分享 - 一般需知
沖繩除非淨玩那霸單軌鐵路沿線，或者相當有錢，可以的士出入(沖繩坐的士嘅價錢同香港有過之而無不及)，或者時間相當多，唔介意等成個鐘一班既巴士，否則都係自駕遊多。所以分享一下自駕遊需知及留意既地方。
國際牌
PS. 唔支持幫襯代排助長歪風
租車
當取得國際牌之後就可以搵租車公司預約，不過因為沖繩唔單止係外國人鍾意去嘅地方，就連日本本島人都經常去，所以沖繩租車服務長期都好緊張，還好近年都有唔少香港家庭過咗沖繩開辦租車業務，起碼唔會產生語言上溝通問題先，一般預約後都需付訂金hold車，大家可以因應人數 / 實際用途 / 服務等去選擇租車公司。
(當然搵O.Rent Kuruma係最好啦)
攞車
終於到達沖繩了，因為喺機場一帶係唔可以交車，所以一般租車公司都會喺機場有shuttle bus or 私人接送服務，然後送到去公司嘅車場攞車。記住要帶齊：香港駕駛執照、國際牌、passport、現金。之後會有幾項你去選擇:
- ETC
ETC即係類似香港既autotoll，因為沖繩由南至北嘅主要交通係由兩條公路組成 — 58公路 (免費) & 沖繩高速公路 (收費) 。
如果要行上高速公路的話，就會遇到收費亭，依個時候就係ETC發揮既時候了，免去排隊俾現金找續嘅麻煩。另外講一講58公路跟高速公路分別。一般而言，58公路都係限速60km/h 但高速就係限100km/h 同時設有超車專用線，所以塞車方面冇咁嚴重，但實際時間上又唔係慳好多，就駕駛感上良好得多，所以租唔租用都問題不大。
- 保險
- 兒童座墊
因為日本法律規定咗未滿6歲兒童，必須乘坐兒童座墊，所以事前通知租車公司準備好。
亦為咗避免最後有乜爭執，租客亦都要檢查好:
- 租車合約
因為最後有乜事都係跟租車時份合約，所以有咩唔清楚嘅地方，要即時提出，唔好怕醜。
- 車身及車內設備
望清楚有冇花痕、運作係咪正常、使用方法等，如果有咩問題，即時通知，同時影相做record。
- GPS
唔係人人會買大數據sim card嚟開google map，所以GPS就變得重要，雖然大多數車都會有中文界面既及國語導航，但因為日本GPS係要用map code / 目的地電話 / 日文輸入目的地等，亦都對外國人唔係好user friendly，所以有等如無一樣，可能的話，都係用返google map吧。
- 油量
因為大多租車公司都需要滿油還車的，所以一定要檢查清楚攞車時係咪滿油，另外要問埋油箱點用同埋入邊隻油。而日本油站分自助式同埋人手式，人手式即係有人service果隻，通常油價會貴少少，但就唔駛自己做，仲可以抺埋車。相反自助式就乜都自己做，流程如下:
- 先將車泊好，引擎熄火，準備現金或信用卡之後落車去「支払機」
油種
根據唔同油站，個system都有分別，大致上先選擇自己想要既油紅色: 一般汽油 レギュラー regular嘅意思
黃色: 高級汽油 ハイオク premium嘅意思
綠色: 柴油 軽油 diesel嘅意思
唔同車種入嘅油都唔同，租車時要留意清楚，因為一旦入錯油，係要賠償俾租車公司而保險亦唔會包。
支付
跟住會問閣下有冇儲分卡、有冇coupon等，留意下附近有冇discount coupon用，値引き 就係discount的意思，如果有，就將coupon上嘅QR喺收費機上面掃，咁就可以獲得discount。完成後就要選擇入幾多油，可以選擇￥1000 / 2000 / 3000 或 加滿 (満タン)，因為唔熟嘅關係，建議用加滿方式，免得加到一半時就彈鎗。最後就要先俾錢，一般現金同信用卡都會接受。
入油
完成支付後，就去隔離拎返相對顏色油鎗，入油之前，記摸下個消靜電制，免生意外。油鎗會根據頭先嘅金額去提供返相對嘅油量，如果係選加滿，就一直入到佢「彈鎗」為止。
- 找續
確定油量足夠之後，就可以放返支鎗返原位，如果用現金支付的話，你可能留意到，點解冇錢找，只係出咗收據，因為日本既入油機係唔負責找錢，要去返負責找數果部機，找數果部通常叫 精算機，將頭先既收據上既bar code / QR / 成張收據入落去就會退返現金。
PS. 去沖繩的話，記得搵我哋租車 #日本旅遊 #沖繩 #自駕遊 #香港人 #Okinawa #o_rentkuruma FB: 老hike都移民
留言
張貼留言