自駕遊分享 — 馬路的事
上次分享咗租車需知，終於要上馬路。雖然日本同香港一樣係右軚車，不過都有部份不同嘅交通規則，今次就繼續分享馬路的事。
沖繩同其他日本地區有少少唔同，一黎自駕遊特別多，二黎仲有美軍晌馬路出現的，因為普遍租車同埋美軍嘅駕駛態度都係麻麻，所以見到時要盡量小心，點區分? 租車的車牌係用 わ / れ 字頭的，而美軍係用よ / 英文字做開頭。
除咗留意車牌之外，日本馬路上亦有唔同嘅車身標誌要留意：
- 新手
- 新手標誌類似香港P牌，獲得車牌後頭一年都必須貼上新手標誌，俾其他道路使用者去分辨，當有貼上新手標誌時，其他道路使用者如果對新手做出: 唔喺安全距離超車、推尾等行為，係會被罰款同扣分。不過日本人對依個標誌好有愛，經常見到張標誌已經甩晒色，甚至個司機明顯唔係新手都會貼喺車上，更加會用新手標誌做出唔同形狀既花紋，所以新手標誌喺日本係冇乜區分作用。
- 高齢者
高齢者分兩代，上邊右圖係第一代，2011年前使用，不過因為形狀被認為似枯葉，所以之後改為依家嘅四色樣。依個標誌係專門俾70歲以上嘅司機使用，同新手標誌一樣，其他道路使用者如果對高齢者做出: 唔喺安全距離超車、推尾等行為，係會被罰款同扣分。同時間日本都擔心高齢者會影響其他道路使用者，所以到75歲後及過去有肇事記錄嘅高齢者，喺update車牌時會安排一次考試，如果肥佬就會吊銷駕照。另外，因為有人認為高齢者標誌帶有年齡歧視成份，所以日本只可以「建議」70歲以上司機使用，去到75歲先會強制使用。
- 聽障
- 喺2008年前，日本係唔容許戴上助聽器聽唔到10呎內90分貝警號嘅聽障人士考車牌的，修例後就只要通過考試及貼上聽障標示都一樣可以做司機。同其他標誌一樣，當車上貼出依個標示時，如果對佢做出如:唔喺安全距離超車、推尾等行為，係會被罰款同扣分。
- 身障
身障是指身體上部份障礙，不過依個唔係強制要貼上的，所以就算唔貼都唔會有咩問題，但當見到有貼上嘅話，請對佢哋多多包容。 同樣當車上貼出依個標誌時，如果對佢做出如:唔喺安全距離超車、推尾等行為，係會被罰款同扣分。
- 外國人
日本馬路上除咗有各式各樣嘅標誌要留意之外，仲有以下幾項亦要注意:
- 行人
- 十字路口
- 直行優先
一般直行線都屬最優先，即係見到綠燈都可以放心前進，但當左右兩邊都係直行線時，就要睇下邊條線係大路，大路會有優先權，如果一樣大？就左手邊開始優先了，不過依個情況好少出現。 - 左轉當在十字路口綠色時，而需要左轉的話，就需要留意有冇行人班馬線，因為喺你綠色嘅同時，班馬線都會同時係綠公仔，而行人同單車係有絕對嘅優先使用權。所以左轉唔好心急，慢慢轉過去，同埋要留意左邊會唔會有單車或電單車喺左身車邊死角，要小心。
- 右轉
當綠燈需要右轉時，對線好大機會都係綠燈，根據直線有優先權嘅關係，所以先要將車開到去路中心，然後等冇車時先轉過去，或等對線變紅燈先轉過去，同時記住留意有冇行人或單車準備過馬路。
- 止まれ
- 紅閃燈、黃閃燈
- 救護、消防、警車
- 響安
- 不可使用手提電話
同香港唔同，香港係可以用免提嘅情況下使用手提。但日本係連用免提之下都唔得，否則違反日本道路交通法(第71條)，最高可拘留3個月及罰款￥50,000。
PS. 如用於GPS並冇觸碰之外，則不在此限。
- 停車冇熄匙、離開冇閂窗
- 著拖鞋或高踭鞋揸車
- 違例泊車
基本上，喺沖繩好少地方可以泊街，就算可以泊都要人在車上嘅短暫上落only，一般都要泊指定停車場，否則就會收到「牛肉乾」，日本嘅牛肉乾係睇停嘅地方而定，通常￥15,000 – 18,000，最麻煩係要去警察局拎罰款單，然後再去郵局 或 銀行等地方交罰款，咁當然，可以請租車公司代交，但會產生一定程度既額外收費，所以為免產生不必要既開支，都係乖乖搵停車場吧。
- 醉駕
日本人非常鍾意飲酒，但佢哋係絕對唔會醉駕的，因為日本對醉駕係非常嚴厲！喺日本醉駕分兩個程度:
- 帶酒氣駕駛
日文叫「酒気帯び運転」只要做呼氣測試中錄得有0.15mg或以上都屬於酒後駕駛，最高可判刑3年及罰款50萬円，0.15mg即係幾多? 以一個65kg成人講，一罐330ml既啤酒就已經到0.16mg了。
PS. 如果第二日宿醉未醒嘅話，都好大機會算「帶酒氣駕駛」，所以必須要注意。 - 酒後駕駛
日文叫「酒酔い運転」依個同呼氣測試無關，只要被判定為受酒精影響而無法正常駕駛既情況下，就會叫做酒後駕駛。最高可判5刑年及罰款100萬円。
最重要係，同車乘客及酒精提供者，都會因為冇阻止而受罰，最高可判刑3年及50萬円。
最後提提，萬一喺日本發生交通意外時，不論意外嘅成因對錯，對方都需要負上部份責任，即係發生任何意外，自己都可能要承擔部份費用，亦會涉及保險問題，所以必須第一時間通知警察同租車公司去處理。
雖然日本自駕好似好多規矩，但因為我哋喺香港又係右軚車，又識睇漢字，已經比其他外國人易適應得多，加上日本人普遍既駕駛態度都好好，只要慢慢揸唔好醉駕唔好違泊就基本上都安全。
PS. 去沖繩的話，記得搵我哋租車
#沖繩旅遊
#沖繩
#自駕遊
#香港人
#Okinawa
#o_rentkuruma
FB: 老hike都移民
留言
張貼留言