O. Rent Kuruma

隨住電影 The First Slam Dunk 嘅出 現，先知道原來 沖繩 係漫畫 Slam Dunk 中嘅宮城良田 ( 宮城リョータ ) 故鄉， 而電影中，出現過唔少沖繩實景，所以今次分享下宮城良田去過邊 飛機俯瞰圖 電影一開頭喺飛機上望到沖繩嘅地方，就係沖繩北部國頭村內嘅辺土名，只要用 google map search 「辺土名港沖防波堤灯台」就會搵到個地方。 不過附近非旅遊區，所以都冇乜野好觀光，睇完衛星圖當去過。 順帶一提，作者井上老師係受一名沖繩藍球界嘅傳奇教練 – 安里幸男影響，而去創作 Slam Dunk 依套漫畫。而安里教練喺 1978 年帶領平均只有 160cm 高嘅「辺土名高校」打入咗全国高等学校総合体育大会嘅第三名。辺土名高校就正正喺辺土名內。 小學 宮城細個果時喺小學打過一次公開賽。而有眼利嘅 FANS 一見就認得出係位於沖繩北部名護內嘅源河小學。可惜學校於 2013 年已經閉校。從 google map 提供嘅圖片先可以望到個藍球場。 山洞 電影中，宮城良田同佢哥哥宮城宗太有個秘密基地，裡面除咗有佢哋小時候嘅玩具之外，仲有保留咗宗太嘅護腕同要打敗山王嘅決心，所以決戰山王之前，宮城都專登翻去山洞懷緬一番。 關於山洞位置，有兩個講法 1. 位於うるま市嘅浜比嘉島內嘅阿摩美久之墓。 阿摩美久，係琉球國最古老嘅神話人物。相傳天帝任命「女神」阿摩美久創造沖繩，阿摩美久創造沖繩嘅同時，仲造咗多個聖域（御嶽）。後來女神死後就埋葬喺度， 浜比嘉島就變咗一個神之島，有唔少沖繩人都會專登去求姻緣、產子等，每年農曆 1 月 1 號更有祝女 ( 女性神職人員 ) 帶領大家進行祈禱參拜，所以個山洞都好神聖。 而同電影中一樣，個大岩石相當易認，但因為係現實中係女神嘅墓地，所以就算有山洞都應該入唔到去。順帶一提，浜比嘉島上嘅民居都相當有沖繩特色，都似足宮城細個住嘅地方。 2. 位於讀谷嘅泊城公園內嘅渡具知沙灘 渡具知沙灘同阿摩美久之墓一樣，有個好 Signature 嘅大岩石，但地型更似電影中宮城兄弟嘅小基地，加上渡具知沙灘比阿摩美久之墓更容易入洞探險。所以小編比較偏信渡具知沙灘先係基地。 藍球場 宮城細個同宗太 1 on 1 嘅藍球場，關於該藍球場所在地眾說紛紜，大致上有兩個地方 1. 名護市內嘅汀間農村公園 因為宮城佢哋打波嘅地方嘅藍球板係比較...

早前，有一家香港客戶幫襯O.Rent時，喺旅程嘅第一日，該家庭嘅一位小朋友不停痾嘔，令家人非常擔心。經診斷後發現原來係「水土不服」引起嘅不適。 水土不服成因好多，可能因氣候變化影響、可能因飲食習慣影響，不過更常見係因水嘅軟硬度影響。 水嘅軟硬度係受礦物質濃度影響。當水係來自雪山、高山、地下等地方，水中含有嘅礦物質濃度會較高，水就會比較硬。相反來自江水嘅礦物質含量低，水就會變得軟。 世界衛生組織(WHO)會以水中嘅鈣(Calcium)同鎂(Magnesium)嘅每公升含量作為水硬度嘅單位，大致分4個級別 軟水 – 0-60mg /L 稍硬水 – 0-120mg /L 硬水 – 120-180mg /L 極硬水 – 181mg/L 以上 水硬度越高，水嘅味道越獨特，不過長期飲用嘅話，礦物質有機會喺身體裡面沉積，會引起結石問題。除咗飲用方面，硬水仲會令洗手盆、浴缸、便廁等用品發黃、容易破壞衣服纖維，甚至礙塞去水喉。 相反軟水呢，因為軟水含較少刺激性礦物貨，所以對皮膚比較好。同時軟水比較容易令番梘液起泡，對洗衫、洗碗、洗頭髮等都會比較乾淨。同埋軟水含嘅礦物質較低，煮飯同埋沖茶都唔會破壞原味，會比較香。但水太軟都唔係好事，因為會令身體缺乏某啲礦物質，長期落去都係會影響健康。 根據水務署資料，香港水質平均值係40mg/L，所以係屬於軟水，但沖繩地質屬琉球石灰岩，而沖繩係使用地下水、水霸水及混合水，所以一般嘅水質會偏硬，平均值係84mg/L左右。但唔同地區會因為淨水場、水嘅來源等出現極大偏差，喺沖繩北島係錄得141~209mg/L嘅極硬水記錄。 一般而言，硬水對人體係無害，但當初嘗硬水的話，身體係需要時間適應，而過程中會造成腸胃功能紊亂，就係所謂嘅「水土不服」。不過又唔駛擔心，因為超市及便利店等一般都會有軟水或蒸餾水出售。如果擔心自己或家人腸胃不適，建議都係飲用返軟水吧。 PS. 去沖繩的話，記得搵我哋租車  #沖繩旅遊  #沖繩 #自駕遊 #香港人  #Okinawa #o_rentkuruma FB:  老hike都移民