沖繩分享 – 宮城良田編

隨住電影The First Slam Dunk嘅出現，先知道原來沖繩係漫畫Slam Dunk中嘅宮城良田(宮城リョータ)故鄉，而電影中，出現過唔少沖繩實景，所以今次分享下宮城良田去過邊

• 飛機俯瞰圖
  
  

電影一開頭喺飛機上望到沖繩嘅地方，就係沖繩北部國頭村內嘅辺土名，只要用google map search 「辺土名港沖防波堤灯台」就會搵到個地方。
不過附近非旅遊區，所以都冇乜野好觀光，睇完衛星圖當去過。
順帶一提，作者井上老師係受一名沖繩藍球界嘅傳奇教練 – 安里幸男影響，而去創作Slam Dunk依套漫畫。而安里教練喺1978年帶領平均只有160cm高嘅「辺土名高校」打入咗全国高等学校総合体育大会嘅第三名。辺土名高校就正正喺辺土名內。

• 小學
  

  

宮城細個果時喺小學打過一次公開賽。而有眼利嘅FANS一見就認得出係位於沖繩北部名護內嘅源河小學。可惜學校於2013年已經閉校。從google map 提供嘅圖片先可以望到個藍球場。

• 山洞
  

電影中，宮城良田同佢哥哥宮城宗太有個秘密基地，裡面除咗有佢哋小時候嘅玩具之外，仲有保留咗宗太嘅護腕同要打敗山王嘅決心，所以決戰山王之前，宮城都專登翻去山洞懷緬一番。
關於山洞位置，有兩個講法

1. 位於うるま市嘅浜比嘉島內嘅阿摩美久之墓。

阿摩美久，係琉球國最古老嘅神話人物。相傳天帝任命「女神」阿摩美久創造沖繩，阿摩美久創造沖繩嘅同時，仲造咗多個聖域（御嶽）。後來女神死後就埋葬喺度，浜比嘉島就變咗一個神之島，有唔少沖繩人都會專登去求姻緣、產子等，每年農曆1月1號更有祝女(女性神職人員)帶領大家進行祈禱參拜，所以個山洞都好神聖。
而同電影中一樣，個大岩石相當易認，但因為係現實中係女神嘅墓地，所以就算有山洞都應該入唔到去。順帶一提，浜比嘉島上嘅民居都相當有沖繩特色，都似足宮城細個住嘅地方。

2. 位於讀谷嘅泊城公園內嘅渡具知沙灘

渡具知沙灘同阿摩美久之墓一樣，有個好Signature嘅大岩石，但地型更似電影中宮城兄弟嘅小基地，加上渡具知沙灘比阿摩美久之墓更容易入洞探險。所以小編比較偏信渡具知沙灘先係基地。

• 藍球場
  

宮城細個同宗太1 on 1嘅藍球場，關於該藍球場所在地眾說紛紜，大致上有兩個地方

1. 名護市內嘅汀間農村公園

因為宮城佢哋打波嘅地方嘅藍球板係比較特別嘅形狀，而該藍球板正正係佢哋果個形狀，加上佢哋小學同樣係喺名護，所以有Fans就推測係汀間農村公園。

2. 北谷內嘅安良波公園

理由同汀間農村公園一樣，係因為個藍球板形狀。但因為宮城佢哋嘅球場係有圍欄，更有馬路、沙灘等，所以比起汀間農村公園更加唔似。

其他仲有Ｄ例如車站位置等，就唔介紹了。
如果係Slam Dunk Fans，唔一定去神奈川打卡嘅，都可以過嚟沖繩搵下The First Slam Dunk嘅打卡點。

*相片全由google  map提供

PS. 去沖繩的話，記得搵我哋租車  #沖繩旅遊 
#沖繩
#自駕遊
#香港人
#Okinawa
#o_rentkuruma
FB: 老hike都移民