O. Rent Kuruma

Honda N-Box 圖: Wiki K-CAR 係取自漢字中軽自動車嘅字頭K演變出黎，外貌通常以「圓形、方形、梯形」為主，車牌更會用黃底黑色(自家用)或黑底黃字(商業用)去表示。喺日本自駕時，會經常見到K-CAR行走，究竟點解K-CAR喺日本咁受歡迎，今次就分享一下。 自家用 & 商業用 圖: Wiki 其實喺日本交通法內，軽車係有分： 軽二輪(125cc↑250cc↓嘅電單車) 軽三輪(660cc↓嘅三輪車) 軽四輪(660cc↓嘅汽車) 不過外國人通常一講K-CAR就只會諗到輕形汽車，所以本編都會以輕形汽車為主。 日本作為「萬稅之都」，汽車稅當然係走唔甩。K-CAR就係為咗配合日本汽車稅以出現嘅產物，而要乎合K-CAR要求，必須要： 長度3.4米↓ 寬度1.48米↓ 高度2米↓ 排氣量660cc↓ 乘車定員4位↓ 貨物載貨量350kg↓ 乎合以上各項，先可以稱為K-CAR (連Mini Cooper都因為排氣量超過660cc而唔可以叫K-CAR)。 K-CAR唔單止喺汽車稅方面有優勢，連強制保險嘅保費，都比一般私家車平好多。同時，因為日本要買車，係需要車主提供「車庫証明」及「印鑑証明」証明車主有自己地方放置汽車，但如果係K-CAR，係可以豁免車庫証明。加上只有660cc關係，油耗方面都非常出色，比混能車更有過之而無不及。車價方面都相當平，就連行收費道路嘅價錢都比普通汽車平。所以K-CAR喺日本各地都相當受歡迎。 雖然K-CAR夾雜住：價錢平、油耗低、輕巧易操作等優點，但如果係自駕遊，都有唔少缺點。 起步慢、上斜無力 因為K-CAR只可以用0.66L引擎，馬力最高只有64匹，0-100要15秒以上，排氣量仲要得660cc，所以每次加速都相當難受，更唔好提喺高速公路上面俾後車推嘅問題，完全有心無力。上斜時更加過份，K-CAR最大輸出只有47kW，當車內開住冷氣時，上斜係完全拉牛上樹嘅感覺，極度影響駕駛感。加上載貨量得350kg，坐滿人加埋行李後，更加無力。 車內空間不足 圖: Google 雖然K-CAR高度可達到兩米高，但車長只有3.4米 (連出名細架嘅jazz都有4米長)，當坐滿人後，都冇乜空間可以放行李。車箱同引擎位置相隔比較近，所以車廂都頗嘈。 安全性普遍比較弱 而最令人擔心就係安全性，因為車頭短，當發生同前車碰撞時，緩衝空間就會減少。根據日本自...

香港人普遍生活壓力大，再加上三年嘅疫情，令到大家一有長假就會諗去個旅行放鬆下。而沖繩生活節奏慢，同時只需飛 2.5 鐘就到達嘅距離，自然成為香港人旅遊熱點之一。但當大家好興奮咁買晒機票之後，先發現最麻煩嘅事出現了 – Plan 行程，所以今次分享下沖繩旅遊行程有咩要點。 喺分享點 plan 行程之前，先要了解沖繩地型 沖繩由本島、 石桓島、波照間島、与那国島等 160 個外島組成。大多數旅客第一次去沖繩都會先去本島玩，而本島 大致分三個部份 – 南部、中部、北部。 南部 由系滿市到蒲添市一帶，統稱為南部廣域市町村圈。包括景點有 : 那覇空港、国際通 り 、斎場御嶽、玉泉洞、系滿漁市場、泊港漁市場、牧志漁市場、 ASHIBINAA 沖繩 Outlet 、 DMM 水族館、 T ギャラリス BY DFS 、 Parco City 、識名園、首里城、奧武島、波上宮、沖宮等等 。 因為沖繩機場都係落喺南部，所以普遍南部交通都比較方便同埋發展得比較好。其中國際通更加係沖繩內少數有夜生活嘅地區之一。交通方面。由那霸空港到浦添更有單軌鐵路提供服務，所以一般非自駕遊時都會喺南部活動。 中部 由宜野灣市到読谷村一帶 ，統稱為中部 廣域市町村圈。包括景點有 : Round 1 、 Aeon Mall Rycom 、美國村、兒童王國、琉球村、東南植物樂園、體驗王國、殘波岬、真榮田岬 ( 青之洞窟 ) 、泡瀨漁港、港川外人區等。 由於全遠東區最大嘅駐日美軍空軍基地正正就係坐落沖繩中部，所以中部會帶住一啲外國嘅味道。同時因為係空軍基地關係，由中部開始，會不停聽到、睇到大量空軍演習。有時仲會見到空軍於嘉手納機場外低飛打招呼。交通方面，由中部開始就無單軌鐵路支援，巴士班次亦變疏落，所以建議自駕遊。 北部 由恩納村到國頭村、本部町等一帶，統稱為北部廣域市町村圈。包括景點有 : 美 ら 海水族館、元氣村、鳳梨園、 Neo Park 、古宇利島、萬座毛、辺戸岬、大石林山、 DINO 恐竜 PARK やんばる 亜熱帯 の 森、桜 の 森公園、 Orion 酒廠等。 沖繩嘅北部係非常之大，亦因為已經遠離市區，所以風景會帶一啲鄉郊氣味，同時全世界第二大水槽嘅水族館 – 美ら海水族館都係喺北部，所以令到沖繩北部成為旅行必到嘅地區之一。 不過因為沖繩由南部到北部，就算自駕單程都要最少要...