自駕遊分享 – K-CAR

Honda N-Box
圖: Wiki

K-CAR 係取自漢字中軽自動車嘅字頭K演變出黎，外貌通常以「圓形、方形、梯形」為主，車牌更會用黃底黑色(自家用)或黑底黃字(商業用)去表示。喺日本自駕時，會經常見到K-CAR行走，究竟點解K-CAR喺日本咁受歡迎，今次就分享一下。

自家用 & 商業用
圖: Wiki

其實喺日本交通法內，軽車係有分：

軽二輪(125cc↑250cc↓嘅電單車)
軽三輪(660cc↓嘅三輪車)
軽四輪(660cc↓嘅汽車)

不過外國人通常一講K-CAR就只會諗到輕形汽車，所以本編都會以輕形汽車為主。

日本作為「萬稅之都」，汽車稅當然係走唔甩。K-CAR就係為咗配合日本汽車稅以出現嘅產物，而要乎合K-CAR要求，必須要：

1. 長度3.4米↓
2. 寬度1.48米↓
3. 高度2米↓
4. 排氣量660cc↓
5. 乘車定員4位↓
6. 貨物載貨量350kg↓

乎合以上各項，先可以稱為K-CAR (連Mini Cooper都因為排氣量超過660cc而唔可以叫K-CAR)。

K-CAR唔單止喺汽車稅方面有優勢，連強制保險嘅保費，都比一般私家車平好多。同時，因為日本要買車，係需要車主提供「車庫証明」及「印鑑証明」証明車主有自己地方放置汽車，但如果係K-CAR，係可以豁免車庫証明。加上只有660cc關係，油耗方面都非常出色，比混能車更有過之而無不及。車價方面都相當平，就連行收費道路嘅價錢都比普通汽車平。所以K-CAR喺日本各地都相當受歡迎。

雖然K-CAR夾雜住：價錢平、油耗低、輕巧易操作等優點，但如果係自駕遊，都有唔少缺點。

• 起步慢、上斜無力

因為K-CAR只可以用0.66L引擎，馬力最高只有64匹，0-100要15秒以上，排氣量仲要得660cc，所以每次加速都相當難受，更唔好提喺高速公路上面俾後車推嘅問題，完全有心無力。上斜時更加過份，K-CAR最大輸出只有47kW，當車內開住冷氣時，上斜係完全拉牛上樹嘅感覺，極度影響駕駛感。加上載貨量得350kg，坐滿人加埋行李後，更加無力。

• 車內空間不足

  

  圖: Google

雖然K-CAR高度可達到兩米高，但車長只有3.4米 (連出名細架嘅jazz都有4米長)，當坐滿人後，都冇乜空間可以放行李。車箱同引擎位置相隔比較近，所以車廂都頗嘈。

• 安全性普遍比較弱
  

而最令人擔心就係安全性，因為車頭短，當發生同前車碰撞時，緩衝空間就會減少。根據日本自動車事故対策機構JNCAP報告，大多K-CAR喺面對碰撞時嘅評分只有75-80之間，而常見嘅Honda Fit、Toyota Aqua等評分均喺85以上。

• 唔環保

只有660cc嘅K-CAR，竟然二氧化碳排放量比1000cc嘅普通車仲要多好多。亦因為咁，日本曾經就660cc嘅二氧化碳排放量而草擬加設「自動車環境稅」，不過就因為國內太多弱勢社群用K-CAR關係，所以此案遲遲未拍板。

一直都有唔少朋友查詢本店有冇K-CAR提供，本店亦都因為咁去做過唔少research同試駕，但結論係，為咗提供優質駕駛感、安全性、環保等俾客戶，本店唔會提供K-CAR租借服務，希望睇完本編嘅朋友，都考慮清楚係咪真係用K-CAR去自駕遊。
PS. 去沖繩的話，記得搵我哋租車 

#沖繩旅遊 
#沖繩
#自駕遊
#香港人
#Okinawa
#o_rentkuruma
FB: 老hike都移民