沖繩旅遊 – 行程安排
香港人普遍生活壓力大，再加上三年嘅疫情，令到大家一有長假就會諗去個旅行放鬆下。而沖繩生活節奏慢，同時只需飛2.5鐘就到達嘅距離，自然成為香港人旅遊熱點之一。但當大家好興奮咁買晒機票之後，先發現最麻煩嘅事出現了 – Plan行程，所以今次分享下沖繩旅遊行程有咩要點。
喺分享點plan行程之前，先要了解沖繩地型
.png)
- 南部
因為沖繩機場都係落喺南部，所以普遍南部交通都比較方便同埋發展得比較好。其中國際通更加係沖繩內少數有夜生活嘅地區之一。交通方面。由那霸空港到浦添更有單軌鐵路提供服務，所以一般非自駕遊時都會喺南部活動。
- 中部
由於全遠東區最大嘅駐日美軍空軍基地正正就係坐落沖繩中部，所以中部會帶住一啲外國嘅味道。同時因為係空軍基地關係，由中部開始，會不停聽到、睇到大量空軍演習。有時仲會見到空軍於嘉手納機場外低飛打招呼。交通方面，由中部開始就無單軌鐵路支援，巴士班次亦變疏落，所以建議自駕遊。
- 北部
沖繩嘅北部係非常之大，亦因為已經遠離市區，所以風景會帶一啲鄉郊氣味，同時全世界第二大水槽嘅水族館 –美ら海水族館都係喺北部，所以令到沖繩北部成為旅行必到嘅地區之一。不過因為沖繩由南部到北部，就算自駕單程都要最少要兩小時關係，如果坐巴士更加要3個鐘以上，而景點同景點之間嘅亦都唔近，所以唔少人都會選擇喺北部住一晚，玩盡景點先返落去。
了解完沖繩本島部份之後，就可以開始規劃路線，要考慮：
- 旅途目的
- 住宿地點
- 酒店
住酒店好處係有Room service，24小時有人為你服務，有需要仲可以請前台幫手call taxi、問路、做翻譯等，仲有早餐供應（沖繩好難搵早餐食….），touch wood有團友突然間發燒或食物中毒，都可以請前台幫手通知救護車。同時酒店房質素比較有保證，房間亦有獨立浴室、洗手間，比較高私隱度。另外沖繩有大量唔同特色嘅酒店，例如:溫泉酒店、水療酒店、海景酒店、渡假村等，可以按自己所需要選唔同酒店。
PS. 如果自駕遊，揀酒店時要留意酒店有冇提供停車場，要唔要另外收費，畢竟都係旅費之一。 - 民宿
民宿最大特色係可以一班人住埋一齊，同時大多數民宿都會提供煮食用具甚至燒烤爐等，可以俾大家體驗一下喺日本超市買和牛、亞古豬返屋企燒嘅滋味。另外民宿仲可能會有提供洗衣機、乾衣機、水喉等，方便大家玩完一日戶外活動如釣魚、潛水、越野車後返去洗裝備用。而民宿最好地方係通常都會設有自己嘅停車場，唔擔心泊車過夜問題，問准屋主的話，仲可能可以喺停車場玩煙花添，自由度比較高。但因為冇咗Room service關係，有乜事就可能要靠自己去處理了，同埋一般私隱度較低，浴室及洗手間都需要排隊使用，所以各有各好。
- 節日
1月1號 - 初詣 (部份休市)
1月尾 - 櫻花祭
1月至4月 – 士多啤梨園開放季
3月 – 琉球燈會
4月 – 清明節 (部份休市)
4月 – 琉球海炎祭
5月 – 端午節 (龍舟賽)
7月 – 夏日祭
7月中旬 – 海洋博公園煙花大僧
7 月至8月 – 潛水季
10月 – 那霸大拔河
11月至2月 – 彩燈活動&燈會
12月至3月 – 觀鯨季
做好research之後就可以將景點組裝，首先要：
- 時間分配
去得沖繩，就係唔想好似去東京、大阪咁朝9晚9，用盡每一分鐘，但都要將每一日活動區域分配好，行程就會更順。EG: Day 1~2北部、Day 3中部、Day4~5南部等。將預定時間分配好之後，就可以去下一步。 - 景點搜索
當決定好活動時間表後，就可以尋找該區內嘅景點，以前做行程規劃，要去書局買旅遊雜誌或者睇電視節目介紹先可以吸收資訊。依家科技發達，大家可以喺網上搵景點。不過水能載舟亦能覆舟，網上亦充斥住相當多Fake News、伏點，尤其係網紅打卡點，所以做research時，最好睇埋其他人嘅Feedback。 - 規劃路線
搵晒心目中想去嘅景點之後，就可以將佢哋排序。Google Map係一個好幫手，將景點輸入後，再選擇規劃路線後，就可以將全部景點加晒入去，之後就可以照住景點近遠而去按排景點次序，但要留意返景點最後入場時間。
- 交通工具
雖說沖繩係自駕遊熱點，但如果不幸同行者都冇人有車牌，就要諗交通工具或包車了。關於沖繩交通工具，可以參考 依度。 - 行程表
將以上資料整合成一個行程表，就可以好清楚咁列出行程有咩不足嘅地方，同時又可以好清楚咁知道旅程嘅行程同方向。
BTW旅行都係為咗Relax，唔係人人鍾意好似返office咁整晒Excel表、做晒research等，如果有需要，可以問本店小編取經。
PS. 去沖繩的話，記得搵我哋租車 #沖繩旅遊
#沖繩
#自駕遊
#香港人
#Okinawa
#o_rentkuruma
FB: 老hike都移民
留言
張貼留言