沖繩分享 - 煙花

沖繩，係一個好鍾意放煙花嘅地方，除咗每個星期六晚上八點喺北谷美國村內放3分鐘煙花外，仲有各式各樣嘅煙花表演如：海洋博公園花火大会、琉球海炎祭仲有各地區自己舉辦嘅如名護夏祭、北中城祭、宜野座村祭等等。除此之外，便利店、超市更會有出售煙花供市民玩樂，但究竟邊個地方先可以俾大家去玩呢？今次就由O.Rent Kuruma去分享下

喺日本一般買到嘅煙花，大致分兩種 — 手持ち花火、打ち上げ花火

• 手持ち花火
  

港稱「仙女棒」，可以玩嘅場地除咗私人場所外其實唔多。
根據那霸市嘅都市みらい部 (城市未來部) – 公園管理課所講，那霸市所管理嘅公園，係可以玩手持ち花火，但必須要遵守以下規矩:

• 玩煙花時，必須遠離易燃物品(如: 草地、樹林等)，同時要確保有足夠安全距離。
• 必須於晚上九點前完結活動
• 必須將用過嘅煙花同埋垃圾帶走
• 玩完煙花後，必須確保將其撲滅

亦都有Ｄ市係完全禁止煙花
如うるま市，根據うるま市都市公園條例中嘅第4條(5)內，表明除非當到市長許可，否則係嚴禁玩任何煙花。

同時亦有限時開放嘅場地
如：宜野湾海浜公園將於8月10、17、24依三日嘅19:00 ~ 20:00 開放俾市民玩。

至於傳聞中嘅沙灘呢？絕大部份私人沙灘問准酒店都可以玩，至於公眾沙灘就唔多，可以搵到嘅只有一個

• 21世紀の森ビーチ

雖然沙灘範圍內唔可以玩，但喺BBQ廣場係可以玩煙花。

至於流傳嘅瀨長島呢？
可能以前得，但現時已經表明係禁止。

• 打ち上げ花火
  

大致翻譯為「發射性煙花」。可以玩嘅地方比手持ち花火更少! 除咗酒店、民宿等私人地方外，完全搵唔到一個公眾地方可以玩。所以想玩煙花前，要考慮一下有冇地方可以玩。

雖然沖繩好容易買到煙花，但要搵一個可以玩煙花嘅地方都相當唔易，如果計劃要玩煙花嘅朋友，記得book酒店、民宿前，問清楚可唔可以玩煙花同係可以玩邊種喇。

PS. 去沖繩的話，記得搵我哋租車  #沖繩旅遊 
#沖繩
#自駕遊
#香港人
 #Okinawa
#o_rentkuruma
FB: 老hike都移民