沖繩旅遊 – 餐廳訂位

沖繩作為旅遊熱點，唔單止酒店、租車搶手，連餐廳都非常搶手。所以如果有心儀餐廳，就要預約訂位，如果唔係到時可能要排餐死甚至要轉食其他。一般沖繩餐廳有以下幾種預約方式。

• 網上預約

如果該店有做開遊客生意，通常都會有佢哋自己嘅booking system又或者會有用ubereats / hot pepper / tabelog / rakuten甚至係line等第三方網站提供預約。詳情可以用google map去check 該店有咩方式提供。

不過留意返，好多時都要登記做會員先可以提供預約服務，如果唔駛登記嘅，就大多數都需要提供漢字姓名、注音假名フリガナ、電話號碼等。如果真係需要時，可以點做呢？

フリガナ
只要喺google度search “ フリガナ 轉換 “就搵到有好多網站都有提供免費將中文名轉成日文漢字及平假名/片假名嘅功能，轉換完成後就可以copy & paste。雖然注音假名輸入平假名或片假名都可以，不過為咗俾店舖知道個預約係外國人關係，建議用片假名カタカナ方式去填寫。

電話號碼
其實一般漫遊電話卡都有提供電話號碼，如果買卡果時佢冇寫喺上面，而閣下又係用Apple電話，就可以入設定>行動服務度搵返出黎。唔建議填寫酒店電話為酒店帶來麻煩。

• 電話預約

絕大部份餐廳都有提供電話預約服務，但亦都絕大部份餐廳都唔識英文，或者係聽完都唔知佢講緊咩嘅英文。如果真係好想試嘅，有以下方式提供：

長途電話
一般google map上面都有提供店舖電話，只需將上面嘅號碼前嘅0，轉換成+81，就會接通該店舖電話，Eg: 080-1234-5678，就需輸入+81-80-1234-5678。之後就……祝君順利。

skype
Mircosoft旗下其中一個通訊軟件，而skype當中最強大嘅功能，就係可以利用佢撥打國際電話，收費比一般長途電話平。可以透過信用卡買入點數或者加入月費計劃，而月費計劃係按地區收費，EG淨係打到日本電話嘅計劃同打到亞洲區包括日本嘅計劃係兩個唔同收費。所以可以按照自己所需去加入計劃。加入後可以透過skype app內嘅電話功能撥號。同長途電話一樣，要先搵返日本區或輸入+81，然後先係電話號碼。

• 白金信用卡禮賓服務

只有擁有Visa Infinite、Visa Signature、Visa Platinum等級嘅Visa 信用卡，並註冊Visa禮賓服務後，就可以透過Visa禮賓服務幫手預約餐廳、酒店甚至演唱會門票等。依家仲可以用whatsapp即時對話，極之方便。

詳情: https://www.visa.com.hk/zh_HK/pay-with-visa/visa-concierge.html

• 拜託朋友代打

依個一定係最方便嘅方法，但亦係會為朋友帶來麻煩。因為日本唔同香港，除咗固網電話外，一般電話係需要收通話費。唔同台費用唔同，有啲台頭5分鐘免費對話，其後每分鐘￥60，有啲冇免費對話，每半分鐘￥22。但一般日本人又唔係好識拒絕人，所以都會免為其難地幫你打依個電話。重點係，因為電話預約通常都要留電話號碼，如果當日有意外去唔到或遲到的話，幫手預約嘅朋友電話好大機會會被Black list。所以都冒好高風險。

其他方法仲有如: 搵酒店前台代預約、搵旅行社代預約等。不過無論用咩方法都好，記緊一定要準時出現。因為日本係相當重視誠諾，如果no show的話，唔單止會為店舖帶來煩惱，更加會影響日本人對外國人嘅印象，仲可能會被Black list或產生罰款。如果真係有意外唔可以出現，或者試試用投幣式公眾電話打去通知一聲，¥10就可以通話一分鐘，雖然可能雞同鴨講，但總好過講都唔講。

PS. 去沖繩的話，記得搵我哋租車  #沖繩旅遊 
#沖繩
#自駕遊
#香港人
 #Okinawa
#o_rentkuruma
FB: 老hike都移民