日本生活分享 - 台風
眾所周知，日文係有漢字存在，而喺1954年之前台風嘅日文漢字個寫法都係用颱風，但後來因為颱字唔係常用字，所以都改字為同音字— 台風，所以絕對唔係殘體字，係漢字。
講返正題，日本嘅台風同香港表達好唔同，首先係名先，香港颱風係用由WMO所提供嘅140個名循環用。而日本雖然都有加入WMO更加有份提名，不過日本気象庁係由每年1月1號起，台風誕生嘅順序編號命名，eg 2000年所產生嘅第一個颱台，就係叫台風一号。但當台風做成巨大災害時，気象庁會幫該台風根據登陸地點或災害嘅港灣/ 河川 / 船／地區名等再重新名命，就好似2019年嘅台風「海貝思」，本來名係「令和元年台風19号」但後來因為19号為日本關東地區帶嚟嚴重水浸，所以気象庁喺2020年改其為「令和元年東日本颱風」。最後WMO直頭將「海貝思」除名，以新名「樺加沙」代替。
除咗名方面同香港唔同之後，個風力表達方式都唔一樣，香港颳風戒備信號唔計風向的話有5個級別，分別係1、3、8、9、10，當去到8號風球或以上就會有香港人最期待既 - 風假。而日本只有5級，不過係叫防災警報，唔單止要黎表達台風，連洪水、河川氾濫程度都包含在內，分別係level 1 - 5表達，level 1最弱 level 5 最強。
- Level 1 (白色) 預警級別
表示未來幾日內有可能會有氣象變化，要求大家留意有關災害及氣象等最新狀況。 - Level 2 (黃色) 注意級別
當發出level 2時，即係已經出現咗「大雨、洪水、河川氾濫」等情況。大家要確認災害地點同自己距離，亦要準備好避難路線同埋確定避難所地點。 - Level 3 (紅色) 高齢者避難開始
達到level 3時，日本將會向災害區內手機發出緊急通知，亦要求高齢者、行動不便及身處高危地區既人盡快去到避難點，同時其他市民也應該停止日常活動。.jpeg)
- Level 4 (紫色) 避難指示
代表極度危險!! 山泥傾瀉及河水氾濫機會大增，危險隨時迫近，必須要跟從政府指示下盡快撤離及避難。
- Level 5 (黑色) 緊急安全確保
當災害已經發生及達到難以掌握到實際情況之下，就會發出黑色警報，表示對生命已受威脅，連避難所都未必安全，一切要以自身安全為前題去安全地方避難。
.jpeg)
唔單止以上嘅唔同，日本仲會善用「災難警報系統」向身處該區人仕嘅手機發出警報，等身處該區嘅不論本地人、遊客等都知道現時情形。
 |
| 韓國向太平洋射飛彈，日本都會透過災難警報系統通知全部在日人士 |
至於上面成日提嘅避難點係指咩呢
- 中小學校 / 公民館
基本上日本每一個町都會將中小學校同公民館設定為避難點，所以一有災害時就會要求大家前往集合，但記住帶備需要服用既藥物同埋準備食物。 - 酒店 / 旅館
可以正常付費的情況下入住安全既酒店或旅館做避難點 - 自己屋企
留喺自己屋企係無問題的，不過你屋企一定要確保有以下三個條件：喺氾濫區以外、屋企位置高於洪水水位及有足夠既糧食及食以防斷水斷電後冇人可以救援。 - 朋友 / 親友屋企
同上面一樣，同樣要留意以上問題。
日本係一個比較多天災嘅地方，所以大家出發前都要留意一下天氣報告，如果不幸黎到先發生天災的話，請緊記跟從指示，因為日本天災起上黎係恐佈過香港好多。
PS. 去沖繩的話，記得搵我地租車
#日本旅遊
#沖繩
#自駕遊
#香港人
#okinawa
#o_rentkuruma
FB: 老hike都移民
留言
張貼留言