先旨聲明，本文章絕無支持、鼓勵大家食煙，吸煙危害身體，可以嘅話，請戒煙。

去得旅行，最緊要身心放鬆，對煙民黎講，食煙未必係最放鬆嘅時間，但無煙食就肯定係最繃緊嘅時間，但為免文化差異導致糟人白眼，所以今次分享喺日本吸煙攻略。

首先要提一提，香港同日本最大分別係吸煙年齡，香港只要年滿18歲就已經可以合法買煙同食煙。但喺日本，年滿20歲先可以合法買煙同食煙，所以如果閣下未夠20歲嘅去到日本就要忍一忍喇。

喺日本，香煙嘅定義係以下5款

以上都可以喺便利店、超市等地方買到。而日本買煙唔駛好似香港咁要講到個名先買到，通常都會有number貼喺煙嘅前面，所以唔駛擔心買煙時唔知點買。買嘅時候店員會要求購物者申報夠唔夠20歲(20代)，如果個樣比較後生，更可能要求出示passport等証明。

順帶一提，日本係可以合法吸食CBD的。

雖然日本香煙類別多同比較自由，但由2019年開始推動室內禁煙範圍，「原則上」室內係全面禁煙，但以下地方可獲豁免。

以上地方可按照店主意願而去安排: 全店吸煙 / 劃分吸煙區 / 全店禁煙等。當店舖為全店吸煙時，就只容許20歲以上人仕進入，所以如果揀選小店時，就要望清楚佢嘅設定了。

大家最關心嘅酒店房內呢？
因為屬於私人空間，所以依舊可以俾客人選擇要吸煙房 / 非吸煙房

至於室外呢？係嚴禁做「火車頭」甚至有部份地區係嚴禁路邊吸煙。捉到係會罰錢，所以只可以喺指定吸煙區度吸煙，吸煙區通常設喺便利店、超市、車站、商場等地方外，見到有煙灰缸就係。更加唔好隨地掉煙頭，影響他人。

當搵到指定吸煙區，都要對應返指定條件先可以吸煙！因為有分只接受電子煙或加熱煙嘅場所，不過幸好，只係餐廳先會有機會出現，留意以下日文「加熱式たばこ専用喫煙室」當見到佢就係只可以吸食電子煙及加熱煙。

最後老土都要講多句，為自己、為家人著想，戒煙吧。如果真係要食煙，就請遵守當地法律，免得受到刑責。
任何電子煙、加熱煙、草本煙、CBD都係嚴禁進入香港境內，請勿帶返香港。

PS. 去沖繩的話，記得搵我哋租車

#日本旅遊 #沖繩 #自駕遊 #香港人 #Okinawa #o.rentkuruma FB: 老hike都移民

O. Rent Kuruma